طرح طرح طرح بكل الالوان " ملف كامل للمحجبه الانيقه "

[ندعوك للتسجيل في المنتدى أو التعريف بنفسك لمعاينة هذه الصورة]

مساء الحب على كل القمرات
هنا هيكون موسوعه كبيره تضم كل اشكال والوان وموضوات الطرح
وهنتعلم ازاى نلف الطرحه بطريقه انيقه فى كل المناسبات
كمان هنقول هنا ازاى تقدرى يا قمرايه تحافظى على شعرك
وانتى محجبه
اتمنى الموضوع يعجبكم
وفى انتظار مشاركاتكم

[ندعوك للتسجيل في المنتدى أو التعريف بنفسك لمعاينة هذه الصورة]

أغلب البنات النهارده محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح البديل للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال ربطات على هيئة تسريحة شعر "ضفيرة وكحكة"، وأما الأقمشة (دي فيها كلام كتير) "تل" و"شيفون" "وترتر"، الصبح والضهر وفي كل وقت... المعادلة الصعبة في كل الحاجات دي ازاي أكون محجبة أحترم "حجابي" وفي نفس الوقت شكلي حلو ستايل على الموضة ومش "مبهرج" ولافت للنظر لدرجة تثير انتقاد الآخرين..

[ندعوك للتسجيل في المنتدى أو التعريف بنفسك لمعاينة هذه الصورة]

نصائح ذهبية لكل بنت محجبة ازاي تتعامل صح مع الحجاب.. ألوان الموضة في الإيشاربات ؟

لون الطرحة حسب لون اللبس ولكن اللون البني هو الأساس السنة دي وبيدخل معاه البرتقالي, التركواز,الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديدة وتداخلها بيعطي نتيجة حلوه جداً..

هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟

[ندعوك للتسجيل في المنتدى أو التعريف بنفسك لمعاينة هذه الصورة]

لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة السمراء

أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر جداً
ده كلام مش صحيح، النهارده مافيش لون صريح.. الروز له درجات مختلفة وموجودة في كل أنواع المكياج كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون مناسبة ولا تعطي نتيجة عكسية

- ازاي تختاري خامة أو قماش الإيشارب صح؟

نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة".. ابعدي عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن الإيشارب مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه

نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها مش مبهدل

تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار، فالأقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار الإيشاربات الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تعطي شكل جديد في كل مرة.

والتطريز البسيط يعطى جمال ورقة
[ندعوك للتسجيل في المنتدى أو التعريف بنفسك لمعاينة هذه الصورة]

أفكار لحجاب ممكن يناسب لفترة بعد الظهر أو بالليل؟

ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوار مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. النهارده مافيش لبس محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً المناسب للمكان.

ازاي البنت المحجبة تختار الربطة المناسبة لشكلها؟

لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون مرتاحة ومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية" مش معقول

هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان تلم شعرهاكويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك الشعر كله وتختار ربطة سهلة .

الربطة "الإسبانيش" موضة جداً، ازاي نربطها "صح" خطوة خطوة....؟

أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني محروق تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا كويس جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده نبين جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على كتفك على حسب ذوق وشكل وجهك.

نصيحتى للف الطرح التقليدية؟

لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الأول.. كفاية لفة بسيطة.

ولو عاوزة تدخل ألوان في اللفة التقليدية؟
زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت

[ندعوك للتسجيل في المنتدى أو التعريف بنفسك لمعاينة هذه الصورة]

ممكن تلبس "بندانا" وتلف الطرحة، ونصيحتي بلاش وضع شريط بلاستيك في مقدمة الطرحة.. ممكن تستخدمي "اسبراي نشا مخصوص للمكوى"، عشان تنشي الطرحة.

إيه رأيك في إضافة الضفيرة من قماش وعمل "الكحكة" بالربطة "الإسبانيش"؟

[ندعوك للتسجيل في المنتدى أو التعريف بنفسك لمعاينة هذه الصورة]

بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكوني محتشمة وبسيطة في نفس الوقت... لازم تتعاملي مع الحجاب وكأنه شعرك وتحبيه عشان شكلك يكون حلو فيه ولما توصلي للدرجة دي أكيد هتبتكري في الربطات أكثر

هنا هجيبلكم شوية صور توضحلكم كيفية ربط الطرحه بالخطوات
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

طرق لف الطرحه بطريقه بسيطه وسهله
للجامعه والعمل صباحا

نموذج1

تشبكها من
عند الرقبة من الوسط ويكون طرف أطول من طرف عشان نقدر نلفها حول الرأس
وممكن نزود عليها لو رايحين سهرة أو مناسبة إيشارب كمان بيلمع أو تل أو
قماشة سواريه نلفها فوق الإيشارب الأول.. ممكن تكون اللفة طويلة.. الربطة
دي بتليق مع كل وجه ومهمة جدا وبتغطي الرقبة لو لابسة حاجة مفتوحة أو قيمص.

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ودى كمان لفه عمليه وسهليه وتنفع برده للجامعه او الشغل صباحا
وتنفع كمان لللخروج وقت بعد الظهر طبعا حسب تنسيق الالوان

نموذج 2

نستخدم
فيها إيشاربين مع بعض.. الأول مستطيل عرضه 2 سم وطوله متر ونص من أول طرف
الإيشارب وعلى أول منابت الشعر نربطه على ورا على كحكة الشعر، وبعد كده
بنجيب إيشارب تاني كبير عريض وطويل ونحطه فوق الإيشارب الأول بعده بمسافة
أو فوقه.. الطرف الطويل ممكن نعمل به شكل الوردة أو شكل آخر.

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

دى مجموعه لفات رقيقه وانيقه مع اقتراحات لتنسيق الالوان
اتمنى تعجبكم

لفات طرح 2010/2011

[ندعوك للتسجيل في المنتدى أو التعريف بنفسك لمعاينة هذه الصورة]

لفات طرح تركية

[ندعوك للتسجيل في المنتدى أو التعريف بنفسك لمعاينة هذه الصورة]

يتبع

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» ملف كامل عن العروس
» عرض امتلك موقعك كامل فقط بـ 99 ريال
» ملف كامل لكل انواع الكيك وطرقها وكلما يتعلق بها