الرجــــــــــــــــــــــل و المـــــــــــــــــــــــــــــــــــرأة
هذا الصندوق ليس للإزعاج بل هو للترحيب بكم
فإن كان يزعجكم اضغط على ( إخفاء ) ـ
و إن كان يهمكم أمر المنتدى فيسعدنا انضمامكم
بالضغط على ( التسجيل ) تظهر بيانات التسجيل البسيطة
بعدها تصبحون أعضاء و ننتظر مشاركتكم

يا ضيفنا.. لو جئتنا .. لوجدتنا *** نحن الضيوف .. و أنت رب المنزل ِ
فأهلا بكم
معنا فى منتداكم ( الرجـــــــــل و المــــــــرأة ) ( لكل شاب وفتاة)


مدير المنتدي يدعوكم الي التسجيل والمشاركة

الرجــــــــــــــــــــــل و المـــــــــــــــــــــــــــــــــــرأة

لكــــــل شاب ولكـــــل فتاة
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
ayacanz - 3059
 
لؤلؤة - 2484
 
aya khan - 1434
 
RoOoONeY - 937
 
دلوعه الحب - 816
 
سالي خان - 757
 
العمر لحظة - 403
 
sana - 319
 
مريومة - 195
 
حبيبة شاروخ - 181
 
المواضيع الأخيرة
» مؤسسة النور للتسويق العقاري
الثلاثاء أكتوبر 13, 2015 3:16 pm من طرف كوكب المعرفة

» مؤسسة النور للتسويق العقاري
الثلاثاء أكتوبر 13, 2015 3:16 pm من طرف كوكب المعرفة

» مؤسسة النور للتسويق العقاري
الثلاثاء أكتوبر 13, 2015 3:15 pm من طرف كوكب المعرفة

» احسن شركه مستلزمات طبية بمصر
الأحد سبتمبر 20, 2015 11:18 pm من طرف كوكب المعرفة

»  الاكسسورات والشنط والملابس الداخليه
الأحد سبتمبر 20, 2015 11:17 pm من طرف كوكب المعرفة

»  الزي المدرسي وارواب التخرج واليونيفورم و المفروشات
الأحد سبتمبر 20, 2015 11:16 pm من طرف كوكب المعرفة

» جميع انواع الديسبوسبل للمستشفيات والمراكز الطبية
الأحد سبتمبر 20, 2015 11:14 pm من طرف كوكب المعرفة

» جميع انواع اليونيفورم والعبايات والتيشرتات
الأحد سبتمبر 20, 2015 11:13 pm من طرف كوكب المعرفة

» الاطراف الصناعيه
الجمعة يوليو 17, 2015 12:02 am من طرف كوكب المعرفة

» تصنيع وتوريد يونيفورمات ومفروشات للفنادق والمستشفيات والمصانع والشركات
الأحد يوليو 05, 2015 10:37 pm من طرف كوكب المعرفة

شارك هذه الصفحة

.: عدد زوار المنتدى :.


شاطر | 
 

 نصائح مهمة من اول يوم تشوفى عريسك فيه لحد يوم فرحك ان شاء الله

اذهب الى الأسفل 
كاتب الموضوعرسالة
ayacanz
Admin
avatar



انثى
عدد المساهمات : 3059

تاريخ الميلاد : 26/06/1991

تاريخ التسجيل : 06/02/2011

العمر : 27

الموقع : يلا دماغ عاليه


مُساهمةموضوع: نصائح مهمة من اول يوم تشوفى عريسك فيه لحد يوم فرحك ان شاء الله   الأربعاء يونيو 06, 2012 5:11 pm

نصائح مهمة من اول يوم تشوفى عريسك فيه لحد يوم فرحك ان شاء الله



الخطوبه ديه مرحله جميله جدااااااااااا

وكل المتجوزين بيحنولها قوى
مش معنى كده ان الجواز وحش
لالالالالالالالالالا

اكيد حلو كمان
وكل مرحله وليها مميزاتها ومساوءها

ولازم نتجنب التجاوزات فى المرحله ديه

علشان ربنا يباركلنا ويتمملنا بخير

هبدأ معاكم

من الاول خااااااالص

من اول يوم جاى العريس يشوفك فيه

وانتى كمان تشوفيه

بعد ما ترتبى بيتك جهزى نفسك

بس اصبرى شويه


بلاش ميكب

بلاش برفان

بلاش لبس اوفر


فاهمه اوفر يعنى ايه


يعنى لو انتى محجبه اخرجى بالحجاب

لو مخمره اخرجى بالخمار

متخليش حد يأثر عليك

ويقولك معلش البس طرحة صغيره

اكيد العريس جاى وعارف مثلا انك مخمره

اكيد هينتقدك حتى لو مابينش


خلاص ياقمر جهزتى نفسك

اخرجى بس

بلاش بقى موضوع انك تقدميله المشروب وكده

موضة وقدمت

زمان كانوا بيعملوا على اساس انه جاى ضيف وانتى بتقدمى المشروب وشافك صدفه

موضوع مفقوس

هو عارف انه جى يشوف عروسه
وانتى عارفه انك طالعه تشوفى عريس

يبقى ليه نلف وندور


خلاص هتخرجى اهو للمكان اللى فيه العريس

اصبرى
مش تعرفى الاول

هتسلمى ازاى

هقولك اهو

بلاش السلام بالايد

وبلاش الكسوف وانك تدخلى تقعدى

لالالالالالالالالالا

خليكى وسط

والقى تحية الاسلام من على بعد

واقعدى على اقرب كرسى جمبك

خلاص بقى
ماتتكلميش الا لو اتوجهلك كلام
والرد على قد السؤال
احسن الراجل يقول عليك رغايه وهتاكل دماغى

لو جه فى بالك سؤال
اساليه ومتتكسفيش
لان زى ماهو جاى يشوفك وبيختبرك
انتى كمان من حقك تختبريه
ولو بسؤال


وركزى فى كل سؤال بيوجهولك
وركزى اكتر فى اجابتك

لو حصل موقف والكل ضحك

اكتفى بالابتسام
لابد من التحلى الحياااااااااااااااء

كده نصايح المقابله انتهت

طيب وبعدها هيحصل ايه؟؟؟؟؟ بعد المقابله بقى
----------
لازم قبل ما تقولى رأيك لبابا او لماما
اولا استخيرى ربنا

ثانيا خدى رأى بابا وماما فى شخصيته
لانك لسه معندكيش الخبره الكافيه
علشان تفهمى شخصية شخص من اول مره
وكمان ممكن يكونوا هما خدوا بالهم من حاجه
انتى مخدتيش بالك منها
وخدى وقتك براحتك فى التفكير ماتستعجليش
وكمان ما تتبطريش(يعنى مش كل ما يتقدملك عريس تطلعى فيه القطط الفطسانه)
قصدى يعنى تطلعى فيه عيوب الدنيا
هقولك على حاجه
البنت بيقى فى وقت ناس كتير يتقدمولها
وكل شويه يتقدملها ناس اقل مستوى من الاول
وشويه وتلاقيها هتركن ومفيش حد
وعمرها خلاص هيجرى
تضطر توافق على اى حد

الكلام ده انا عرفته من جوزى
قالى انا كنت بدور على سن معين وانا بفكر فى عروسه
يعنى بلاش نرفض لمجرد الرفض
وده اسود
وده منخيره مش عارفه ايه
وده شعره وحش
....................
ومش معنى كده ان اى حد يتقدملك تقوليله شيل يامعلم
خدى وقتك وفكرررررررررررررررى
خلاص استخرتى ربنا
وعرفتى انه انسان كويس
طيب يبقى ربنا يتمملك بخير اولا الف مبروك على العريس ياقمر انتى وهى

طيب فى بعد الموافقه المبدئيه


الاتفاق والشروط


ياريت بلاش مغالاه فى الطلبات


(اقلكن مهرا اكثركن بركه)



بلاش نغالى فى طلباتنا لان ده سبب


ارتفاع نسبة العنوسه فى مصر


المهم اتفقنا وخلاص هنعمل شبكة


ياريت الفستان يكون متغطى


يعنى فى مستوى لبسك


قصدى بلاش اوفر


وبلاش نقول عايزه افرح


طيب يااختى ماانتى ممكن تفرحى وانتى بفستان كويس


ومتغطى كده والله فعلا العروسه لما بتبقى محجبه


بيبقلها روعه وبتكون جذابه


وبعدين بلاش نضيع كل اللى عملناه فى عمرنا فى ليلة واحده


افرحى ياقمر واتبسطى


بس ماتزوديهاش


يعنى مثلا ماينفعش طول الشبكه مش قاعده


وكل شويه تقومى ترقصى


لالالالالالالالالالالا


اركزى كده وخليكى عاقله


انتى مش هتسمعى الناس اللى بتضحك فى وشك


من وراكى هيقولوا ايه


اقل كلمه


ديه ما صدقت


صح ولا ايه؟؟


ومش معنى كده انك تبوزى وتقلبيها دراما


افتكرى دايما


اضحك الصوره تطلع حلوه


اوعى تكشرى فى الصور لتندمى




الف مبروك على الشبكه ياقمر وعقبال الفرح يارب



طيب بعد الشبكه هيحصل ايه....... ثانياً : الخروجااااااااااااات
بلاش منها

ما اجتمع رجل وامراه الا وكان الشيطان ثالثهما

وان كان فى امر مهم لازم تخرجوله

يبقى معاكم حد اخوكى مثلا

ولما يطلب منك تخرجوا لامر مهم قوليله استاذن بابا

لو قالك مش هيرضى؟

نخرج من وراه

اوعى

اوعى تفكرى تعمليها

لازم تكونى قد ثقت اهلك بيكى

لانك ياقمر
لو خرجتى النهارده معاه من ورا اهلك

اولا ممكن يفكر انك عملتيها كتير قبل كده

طيب لو مفكرش كده وفرح بخروجتكم

بس بعد الجواز مش هيديكى ثقته

لانك وببساطه خنتى ثقته اهلك فيكى قدامه اهلك اللى ربوكى فما باله هو بقى

شفتى بقى



ثالثا مسك الايد

بلاش

حتى ولو قعد يقولك علشان خاطرى

لالالالالالالالالا

خلى اجابتك دايما

بلاش نغضب ربنا علشان يباركلنا

اجابة مقنعه صح ولا ايه

طيب لو قالك حتى سلمى عليه بس

قوليه مفيش احسن من

السلام عليكم ورحمة الله وبركاته

هيقولك اطيب المس صباعك

لا
النهارده امس صباع
بكره مسكه
بعد لمس ايد
بعده مسكها
مسك دراع

لالالالالالالالالالالا

احنا مش عايزينه ياخد عليكى كده

وخليكى واعيه لو قلتى على حاجه لالا يبقى لالا شخصيتك -------

لازم تكون ليكى شخصيه

لاننا قولنا
ابنك على ما تربيه وجوزك على ما تعوديه

يعنى مش كل ماييجى ياخد رايك فى حاجه

تقولى اللى تشوفه


لا اللى تشوفيه انتى كمان

يعنى لازم يكونلك شخصيه

علشان منرجعش نندم ونقول جوزى مستبد

هقولك انتى اللى علمتيه يكون مستبد

لانك دايما رايك سلبى وموافقه

هياخد رايك بعد كده ليه؟؟؟؟؟؟؟؟؟

هينفذ على طوووووووووول



المعامله
-----

بصى يا حبيبتى هو غريب عنك وهيفضل كده لحد كتب الكتاب

يبقى نراعى ربنا فى تصرفتنا

علشان ربنا يكرمنا


نشوف البنت فى الاول مكسوفه

وكل ما تعدى ايام تاخد على خطيبها اكتر واكتر

لالالالالالالالالالا

ده مش حلو خااااااااااااالص

خليكى على مبدئك

وزى ماانتى مش علشان اديلنا سنه مخطوبين نرفع الحواجز

لالالالالا

ولو اديلنا 10 سنين فى الاخر اسمه خطيبك

مهما طولت فترة الخطوبة

او قصرت هو خطيبك




اهل عريسك
-------

عامليهم بالحسنى وخصوصا امه

قربيلها وحببيها فيكى وحبيها

لانها هى السسب فى وجود ابنها فى الدنيا

بعد ربنا طبعا

حتى لو هى مش كويسه قد كده

افتكرى انك هتاخدى منها ابنها

اللى ربته وكبرته

شوفى كده لو انتى ربيتى قطه

واكلتيها وشربتيها

وفجاه لقيتى القطه بتلعب مع اختك وانتى لا

ايه شعورك

ركزى مع حماتك هى كمان هتختبرك

زى مارى منيب كده

هههههههههههههه

مش يمكن كانت عايزاه ياخد بنت خالته وهو فضلك انتى

هتختبرك لحد ما تكتشف ان ابنها عرف يختار

حتى لو ما اعترفتش بده



يبقى وباختصار علشان نعدى المرحله ديه

نلتزم بتعاليم ربنا
نبعد عن المحرمات

واتاكدنا خلاص انه مفيهوش الصفات الوحشه اياها
يبقى ايه بقى ربنا يتمم بخير
بس افتكرى دايما انك تمشى على النصايح اللى قولناه
اوعى تنسيها
فكره حلوه قوى
اكتبى ذكريات خطوبتك يوم بيوم
المكالمات
الزيارات
الرسايل
صدقينى هتبقى ذكرى جنان بعد الجواز
لما تقروها سوا
هتفتكروا كل حاجه مع بعض
من اول فترة الخطوبه
ابتدى جهزى نفسك شويه شويه
علشان منجيش فى اخر فترة الخطوبة وقبل الفرح
ونضغط وننسى حاجات
وكل ما تجيبى حاجه اكتبيها واكتبى تمنها
اولا متكرريش اللى جبتيه
وكمان علشان القايمه بعد كده



صفحة المنتدى ع فيس بوك شاركنا

[ندعوك للتسجيل في المنتدى أو التعريف بنفسك لمعاينة هذا الرابط]

جروب المنتدى ع فيس بوك

[ندعوك للتسجيل في المنتدى أو التعريف بنفسك لمعاينة هذا الرابط]
[b]اروع صداقة ان تكون حبا حقيقيا والحب الحقيقى يمثل لى افضل صديقتين فى العالم (مايا وسارة) (توئمى و مارى جان ) احبكم

[ندعوك للتسجيل في المنتدى أو التعريف بنفسك لمعاينة هذا الرابط]

[/b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصائح مهمة من اول يوم تشوفى عريسك فيه لحد يوم فرحك ان شاء الله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرجــــــــــــــــــــــل و المـــــــــــــــــــــــــــــــــــرأة  :: الاقـــــــــــســـــــــــــام الأســــــــــريـــــــــــــــــــة :: الحــب والرومـانـــســية والـــزواج-
انتقل الى: